باريس العزيزة اللذيذة

اول رحلة

و اول مكان

و اول زيارة ف عمر الحكاوى

و عمر الزمان

 

باريس العزيزة

L’inconnu

 

ف قلبك

حكاوى كتير مستحيلة

شوارعك و ناسك

 كما الف ليلة و ليلة و ليلة

 

بريئة و جميلة

سخيفة و رزيلة

رقيقة و رايقة

و برضك سئيلة

و

غريبة و قريبة

و باردة و دافية

و برضك حبيبة

 

باريس العزيزة

L’inconnu

 

ناسك حكاوى متبعترة

و احلام كتير مش متفسرة

و كوابيس تلخفن قلب المشاعر

و قلب اللى شاعر

بكل الحرارة و كل البرودة

و سؤال عويص

 

و يا هل ترى

 

باريس العزيزة

L’inconnu

 

يا وهم اللى عايز يشوف الحقيقة

يا مجهول لكل اللى قاصد

قصيدة جريئة

و متاهة للى شطوطه غريقه

 

باريس العزيزة

 

كتير افتكر

كتير انبهر

بكل الضياع اللى ساكن شوارعك

و كل الجمال اللى ممكن يبايعك

و زنقورة واحدة فيها الامان

و ركنة يعلى فيها الادان

 

كتير افتكر

و احلف يا حلوة

بانك بحبة مية على وش ريقك

 تضيع بريقك

تسيح رموش اصطناعى هزيلة

و تمسح لون العيون العليلة

ختبقى يمكن ساعتها جميلة

بهتانة جايز

غلبانة يمكن شبه العجايز

لكن جميلة

حقيقية تبقى من غير رتوش

يا باريس القديمة

و يمكن جميلة

بدون اصباغ ف وضح النهار

و

بدون انبهار

 

س.م.

28\5\2004

بعد رؤية بعض المشاهد فى باريس فى مسلسل كان بيعرض من ساعة و افتكرت اول سفرية ف حياتى من تحويشى و باريس الانبهار و تانى و تالت سفرية و باريس من غير اصباغ ف وضح النهار بدون انبهار  



  

 
The Egyptian Chronicles is a co-op of Egyptian authors.
Articles contained in these pages are the personal views, or work, of the authors,
who bear the sole responsibility of the content of their work.
 
 

BACK TO MAIN PAGE


 
 
 
 

For any additional information, please contact
the Webmaster of the Egyptian Chronicles:

DESIGNED BY